الالفيه للشاعر الكبير على بن محمد القحطاني

السلام عليكم ورحمة الله وبركاته
هذي الالفيه للشاعر الكبير على بن محمد القحطاني ( ابو ميسون )

أ: اولـف مـن معانـي عجييبـه
بيتٍ بنيتـه شاعـره نعتنـي بـه
من قال فيه المخطيـه والمصيبـه
انا اشهد ان رضا المخاليق كايـد
ب: بدايـة قصـةٍ لـي طويـلـه
تشبه روايـة الـف ليلـه وليلـه
مع الغصي راعي العيون الكحيله
اللي عليه الـروح شبـت وقايـد
ت: تولع خاطـري فـي حبيبـي
ليته من الدنيا العريضـه نصيبـي
حتى الجروح اللي بقلبي تطيبـي
هو منوتي مـن لابسـات القلايـد
ث:ثلاث اسنين في حـب غالـي
عجـزت اعـد ايامهـا والليالـي
نتيجـة المشـوار خالـي بخالـي
مامـن وراه الا التعـب والنقايـد
ج:جــل الله خـالـق عـبــاد
صور لطيف الروح واشهد شهـاد
انـه عـطـاه الله جمـالاًزيـاده
زايد على غيره من النـاس زايـد
ح:حلمـت البـارح فـي منامـي
انه سعد حضي بزيـن القوامـي
واروى غليل محب عطشان ضامي
لاشك حلـم الليـل مافيـه فايـد
خ:خيالـه ويـن مارحـت شفتـه
من وين مالاقيت وجهـي نظرتـه
باح العزاء والصبرانـا ماقدرتـه
لاشك هـذا اللـي بـه الله رايـد
جـرب الحـب انـا مـا بغيتـه
وحسبي على اللي حدني لين جيته
والغيـب والله ياحمـد لوقريـتـه
ماصاد قلبـي بالمخاليـق صايـد
ذ:ذللنـي ولـي قلـب قـاسـي
غصباً عليّ للحب نزلـت راسـي
همي غدا مثل الجبـال الرواسـي
وانباح سـدي بيـن كـل البدايـد
ر: رموشه صوبت قلـب شاعـر
حتى إذا حالي مثل ما انت خابـر
اهل دمعي واقضي الليـل ساهـر
هـذا محاصيلـه وهـذا الفوايـد
ز: زرع له ياحمد فـي ضميـري
محبـةٍ ماحـط غيـره عشيـري
لاشاقنـي غيره ولاحـب غيـري
واليوم مسكانـه مـع اولاد زايـد
س: سافر نـور عينـي غصيبـه
مصيبـةً ياكبرهـا مـن مصيبـه
خذاه ذاك اللـي تـردى نصيبـه
ماعاد ظني ناعس الطـرف عايـد
ش:شـدوا يـوم واحـد محـرم
وقلت رجع لي خبـر لـو تكـرم
طابع رسالـه يالغضـي لوتغـرم
وشرح لنا عن كل قاصـر وزايـد
ص: صافحـنـي ودمعه يهـلـي
يقول مادري ياعلي ويـن اولـي
عـزي لمثلـي لامشـى مايدلـي
لاشك هـذا اللـي بـه الله رايـد
ض:ضميتـه ونفسـي تفـوحـي
وقولت مودع يابعد روح روحـي
بادلته الزفرات والنـاس توحـي
معـاد همينـا كــلام النقـايـد
ط:طوانـي فـي غيابـه هيامـي
وحق من فضل ليالـي الصيامـي
اني لو اعرف وين زين القوامـي
لاجيه لـو دونـه سرايـا وقايـد
ظ:ظهرلـي واحـدمـن عربـنـا
قراء جميع اسرارنا اللـي كتبنـا
يقول لاجـا عقـب بكـره ركبنـا
على الجموس معكفـات الحدايـد
ع: عنـده علـم ثابـت وكــادي
علمٍ لفى بـه ثـم ريـح فـؤادي
يقول انا عـارف بهـاك البـلادي
ومطراشنـا لازم لنـا فيـه فايـد
غ:غامـرنـا وقلـنـا مشـيـنـا
وعيبٍ على اللي يخلف الراي فينا
واللـي مقـدر لازم انـه يجينـا
وحنا هل العـادات يـوم الشدايـد
ف:فتى الجـود اعتنـى بالمهمـه
ريح ضميري عقب مـازاد همـه
اوفى بوعده واعتنـى بـه وتمـه
حتى غـدا قلبـي مـن الهـك هايـد
ق: قـل المعـرفـه ياجمـاعـه
تضعف عزوم اللي قويـاً ذراعـه
لوكان قـرم ويدعـي بالشجاعـه
تحـده الدنيـا علـى كـل رايـد
ك:كـان الحـل ساعـة وصلنـا
شفت الحبيب اللي فـؤادي تمنـى
ستين يـوم اللـي معاهـم سطنـا
شفت الهنا عقب العنـى والنكايـد
ل: لـولا هاالظـروف الصعيبـه
والوقـت مايسمـح لنـا بالمغيـبـه
لاعيش عنده في البـلاد الغريبـه
واصبـر لـ حر بلادهـم والبـرايـد
ميم:مسكيـن المحـب المـفـارق
اللي ببحر الشوق والبـحر غـارق
يسكن جنوب وصاحبه بالمشـارق
وينوح نوح اللـي تهـز الجرايـد
ن: نـوم العيـن يحـرم علـيـه
من يوم غابـت عنـي الغشمريـه
يامـن يساعدنـي بحـل القضيـه
انــا بلاي ماسكـيـن الـعـوايـد
و: ودي كـل لحظـه وساعـه
القى الدواء اللي فيه ليـه مناعـه
لاشك راعي الحب مالـه شفاعـه
يقطعك ياحـظ التعـب والنكايـد
ه: هـدم حيلـي وسهـران ليلـي
وليـا بـدا للعيـن نجـم سهيلـي
هلت دموع الشوق سيـل يسيلـي
مالي جدى ياكود نظـم القصايـد
ي: يصلني كـل سمـاع قولـي
على النبي ياللي تحب الرسولـي
الياذكرتـه كـل همـي يزولـي
شفيعنـا فـي يـوم كلـه شدايـد


وسلامتكم